سؤال عن حكاية ان العربية لو مش بتشد بيها حيبقى ادائها ضعيف

السلام عليكم

بصراحة انا مكنتش عارف احط الموضوع دة فين بس بما ان دة مكان للمناقشات حطيتة هنا

المهم

انا بسمع من اصحابى و هنا فى المنتدى ان العربية مثلا لو انا ماشى بيها بالراحة يعنى مش بحرق عليها و كدة و فضلت ماشى كدة كتيير العربية ادائها حيقل و لكن لو بتجرى العربية و بتحرق عليها و كدة العربية ادائها حيبقى احسن

فا انا بصراحة مش مقتنع بالموضوع دة و ممكن اكون انا غلطات بس انا عاوز حد يوضحلى النقطة دية علميا مش عن تجربة اصل هوة هوة الموتور و نفس عدد الأحصنة و نفس العزم

الكلام دة بينطبق على جسم الأنسان علشان كائن حى و بيطلعلة عضلات ( مثلا ) و عضلة القلب بتبقى اقوى معتقدش ان طلمبة البنزين قوتها حتزيد مع الشد و الحرق و بالتمرين صحتة بتبقى احسن لكن الموتور مش كائن حى ولا حاجة و عمر ما صحتة حتبفى احسن صح ولا انا غلطان و ياريت الاقى اجابة عن الموضوع دة و حد يقنعنى بيه :)

و انا سمعت ان فى العربيات الحديثة بيبقى فية كمبيوتر بيتأقلم على حسب طريقة قيادة السائق و دة بالنسبة للعربيات الحديثة بس برضة يعنى لو حبيت تشد حتلاقى الموتور بيستجيب معاك و حيتأقلم مع الشد على طول

و شكرا ليكم

تحياتى

الموضوع دا علي قدر معقول من الصحه بس السحب مش حيفرق بالدرجه اللي انت فاكرها يعني ممكن مثلا تفرق ثانيه او اتنين في التسارع من صفر الي 100 كم.
هيا الفكره في الجري ان البساتم بدور بسرعه كبيره و كل بستم بياخد الشوط بتاعه مضبوط فبالتالي تاخد منها اعلي عزم

انا مقتنع تماما برأى فهد لأن مشوار البستم مش ممكن يتغير فى الطول مهما حرقت على الموتور لكن التغيير فى عدد اللفات فقط علشان كده مش داخل دماغى موضوع تفتيح الموتور ده و لما سألت سبعاوى وافقنى فى الرأى

هو اللى أنا متأكد منه ان السفر و المشى الطوالى حتى لو من غير حرق بيفرق جامد جداً مع أداء المحرك و بعد سكة سفر طويلة لما تيجى تدخل البلد بتحس ان الموتور اداؤه أفضل بكتير من قبل السفر ...

مش كده يا جماعه

الماتور هو هو نفسه انا معاك يا فهد

ولكن الأسطوانة اللي بتتعود على حرقها للآخر غير اللي مش متعوده على كده

يعني بمعني لو ركبت عربيه محدش بيحرق على النقله يعني لما يوصل الأر بي ام لحد 4 مثلا بينقل ............... عالطول بيعمل كده
لما تيجي انت تعدي رقم 4 على الأر بي ام هتلاقي العربيه أكنها مخنوقه كأنها ملينتشي في الحته اللي فوق رقم أربعة
وانتم عارفين ان العربيه اللي متعوده على الجري غير اللي مبتجريش او العربيه اللي بتجري على الطريق السريع مش زي اللي ماشيه جوده البلد
واالعربيه اللي صاحبها رجله تقيله غير العربيه اللي صاحبها رجله ناعمه وحساسه للبنزين

والماتور يا جماعه بيتعود على الشغل اللي بيشتغله بمعنى أصح ان الماتور من جوه بيطبع على الشغل اللي اتعود عليه

وعلى فكره الحرق مش غلط ولكن ليس عالطول طول ما انا ماشي ولكن مره او مرتين كده كل اسبوع او اسبوعين او شهر حتى

فعلا الكلام ده صحيح يا ا/fahd ,في الميجان عندي فيه chipبتسجل معلومات عن اسلوب القيادة
مثلا انا بحب اجري فالعربية عندي بتقوم مسقطة نقلة بسرعة اول ما اشد على البنزين..على العكس لو شخص سواقته هادية وجيت تشد بعربيته هتلاقي في البداية ان العربية بتوصل بكل غيار للاخر

كل ما في الأمر أن تليين العربية بيستمر معاك من العمرة للعمرة

يعني إنت لينت ألف كيلو هادي مثلا في الحالة دي الشنابر خدت وضعها على عدد لفات معين للموتور

لو شديت بعد كده جامد على العربية في بداية الأمر هتلاقيها كأنها لسة بتلين على اللفات الموتور العالية وبعد كام كيلو شد تكون الشنابر خدت الوضع الطبيعي على لفات الموتور العالية دى

لو جبت آخر وأقصى لفات الموتور هتلاقى العربية برضه في الأول كأنها لسه بتتعرف على المنطقة دي من سرعة دوران المحرك لكن شوية وتلاقي الشنابر خدت وضعها والعربية بتجيب آخرها معاك

الخلاصة إن الموتور كلما زادت عدد لفاته إحتاج لسرعة عالية للبساتم والشنابر التي تحفر لنفسها طريقا في الإسطوانات متأقلم مع شكلها الميكروسكوبي وبالتالي يقل ثقل حركة البستم داخل السلندر وتزيد سرعة الموتور وإستجابته نوعا ما
ولكن
ده كله على حساب عمر الموتور نوعا ما يعني لو الواحد ماشي حارق عمال على بطال عمر الموتور يقل جامد لكن لو على مرات متفاوته عند الحاجة فقط فده طبيعي
لكن أنصح لو واحد لين الموتور كويس وشد بيه جامد كام مرة يخف بقه ويخليه طبيعي لأن كلما زاد مشيك على RPM عالي لفترات معينة كلما نقص العمر الكلي لمحرك سيارتك

والله أعلم

آسف للتكرار

there are two schools for running in (talyeen( the engine:

the first one is: in the first 1000km if u are pushing the engine hardly and revving on high RPMs , it will be a very fast and responsive car, and u'll get the maximum power out of it but u'll sacrifice this with high oil and fuel consumption.

The second school states that if u are driving slowly and not exceeding the 3000-3500 RPM in the first 1000km, u'll get a very economical car, but u'll sacrifice the responisveness and the high power of the Engine.

شكرا لكل الى ردو و فعلا الموتور لما بتبقى سرعتة قليلة او عالية بياخد نفس الشوط بس الفرق سرعة البساتم بس ولا انا غلطان ؟

و لو ممكن اعرف رأى البشمهندس سبعاوى برضة فى الموضوع دة

كلام جميل و مفيد
جزاكم الله خيرا
و لكن كيف يتم تفتيح الماتور للسيارات القديمة
شكراً

اقتباس:

---

المشاركة الأصلية كتبت بواسطة ahmed1981

كل ما في الأمر أن تليين العربية بيستمر معاك من العمرة للعمرة

يعني إنت لينت ألف كيلو هادي مثلا في الحالة دي الشنابر خدت وضعها على عدد لفات معين للموتور

لو شديت بعد كده جامد على العربية في بداية الأمر هتلاقيها كأنها لسة بتلين على اللفات الموتور العالية وبعد كام كيلو شد تكون الشنابر خدت الوضع الطبيعي على لفات الموتور العالية دى

لو جبت آخر وأقصى لفات الموتور هتلاقى العربية برضه في الأول كأنها لسه بتتعرف على المنطقة دي من سرعة دوران المحرك لكن شوية وتلاقي الشنابر خدت وضعها والعربية بتجيب آخرها معاك

الخلاصة إن الموتور كلما زادت عدد لفاته إحتاج لسرعة عالية للبساتم والشنابر التي تحفر لنفسها طريقا في الإسطوانات متأقلم مع شكلها الميكروسكوبي وبالتالي يقل ثقل حركة البستم داخل السلندر وتزيد سرعة الموتور وإستجابته نوعا ما
ولكن
ده كله على حساب عمر الموتور نوعا ما يعني لو الواحد ماشي حارق عمال على بطال عمر الموتور يقل جامد لكن لو على مرات متفاوته عند الحاجة فقط فده طبيعي
لكن أنصح لو واحد لين الموتور كويس وشد بيه جامد كام مرة يخف بقه ويخليه طبيعي لأن كلما زاد مشيك على RPM عالي لفترات معينة كلما نقص العمر الكلي لمحرك سيارتك

والله أعلم

---

هو ده الكلام المفيد

وانا اتفق معاك في كل ما جاء هنا يا استاذ احمد

تحياتي

اقتباس:

---

المشاركة الأصلية كتبت بواسطة ahit

كلام جميل و مفيد
جزاكم الله خيرا
و لكن كيف يتم تفتيح الماتور للسيارات القديمة
شكراً

---

القديمة معتقدش انه سهل او ممكن اصلا
لان حالة الموتور ليست قياسية لكن المحاولة لا تضر لكن تذكر ان محاولة زياة عدد لفات الموتور لاعادة تليين موتور قديم هي عملية تحمل الكثير من المخاطرة في ظل حالة الموتور الغير قياسية بالمرة وقد تؤدي لمشاكل
اما في المحركات الجديدة فهو امر عادي وخطورته محدودة طالما تم بعقلانية

اقتباس:

---

المشاركة الأصلية كتبت بواسطة mo7a_mo7a

القديمة معتقدش انه سهل او ممكن اصلا
لان حالة الموتور ليست قياسية لكن المحاولة لا تضر لكن تذكر ان محاولة زياة عدد لفات الموتور لاعادة تليين موتور قديم هي عملية تحمل الكثير من المخاطرة في ظل حالة الموتور الغير قياسية بالمرة وقد تؤدي لمشاكل
اما في المحركات الجديدة فهو امر عادي وخطورته محدودة طالما تم بعقلانية

---

شكراً استاذ/ mo7a على الإهتمام و الرد
و كويس إنك فهمتى إن موضوع التفتيح دا مش للمواتير القديمة.
شكراً